Logitech најавува нови гејминг уреди за 2009

Уште за време на првиот ден од саемот, гигантската фирма Logitech,
најави неколку нови периферни уреди, кои ќе бидат главно применети за
гејминг. Ќе се запознаеме со нив, по ред, започнувајќе од G35 Surround
слушалките.








Кога ќе бидат достапни во Март, Logitech G35 Surround слушалките ќе
чинат приближно $130 долари. Вклучуваат приспособлив микрофон, способен
да ја изостави вревата од околу, пренесувајќи го само гласот кој се
наоѓа најблиску до нив (иако не се први слушалки со ова достигнување).
Освен тоа, на левата страна се застапени три копченца наменети за нешто
што Logitech на својата прес конференција го нарече "voice morphing".
Се работи за опција со која микрофонот му додава најразлични ефекти на
Вашиот глас. Од компанијата ветуваат дека Вашите другари од гилдата на
World Of Warcraft, кои ќе ве слушаат, ќе ве тераат постојано да ги
користите ефектите. Се на се интересно, но и релативно скапо.



























На ред доаѓа новата гејминг тастатура која се очекува да излезе
оваа година, Logitech G19. Нејзиниот претходник Logitech G15 со
сигурност задоволи многу гејмери. Освен ако не живеете под карпа,
сигурно имате слушнато за овој модел. Вклучуваше LCD дисплеј на кој
можеше да се ставаат слики и видео клипови, како додатни помагала за
време на играње. Малото екранче е со 320x240 резолуција.
















Сепак, Logitech бара прилично многу за G19: $199 кога ќе започне да
се продава во Март. Тоа е повеќе од дуплираната цена на сегашната G15
тастатура, која е само 80 долари. Ќе вклучува можност за избор на која
боја корисникот сака копчињата да светат и ќе биде приспособена за USB
2.0 влез. Како и да е, не верувам дека овие опции ќе задоволуваат
доволно за толкаво кревање на цената. Сметам дека најрационална цена би
била $149.





За крај, доколку изгубивте сон со помислата дека ласерските
мауси го достигнаа највисокото ниво на dpi со 4000, земете здив. Новото
чедо на Logitech, G9x дефинитивно ја пројде "четириилјадарката", со
5,000dpi. Во другите работи, релативно е ист со неговиот претходник G9,
излегува во Април, по сегашна најавена цена од $99.

Старите добри Logitech појќе ми се свиѓаја овие ептен ми се роботски со 100102 копчиња за џабе и сличнми глупости. А и ретко кој од познативе гејмери користит вакви уреди.

Иам G5 и мислам џабе пари фрлив за играње само mx518