Трет пол?!

Благодарение на актуелната кампања, Индија е на добар пат да добие трет официјален пол, па во иднина освен како мажи и жени, Индијците ќе можат да се
декларираат и како евнуси.

Поднесувајќи петиција до Врховниот Суд, евнусите бараат одобрување на специјални квоти за работни места во владата, за запишување на универзитет и за
национална комисија, што би можело да доведе до официјално признавање на трет пол, “кинар”, како што себеси се опишуваат 1,5-те милиони евнуси.

Некогаш евнусите заземаа значајно место во индиското општество, беа назначувани на високи позиции во кралските судови, а токму поради нивната сексуална немоќ, важеа за доверливи луѓе.

Но, денес нештата се сосема поинакви. Не ретко можат да се видат низ јавните паркови, како малтретираат парови, им бараат бакшиш и им се закануваат дека ќе ги проколнат или посрамотат, покажувајќи им ги своите осакатени гениталии.

Повеќето евнуси се луѓе родени со деформирани полови органи, кои подоцна биле
кастрирани. Велат дека поради својата физичка појава често пати се жртви на дискриминација.