Windows 7 Beta - First Impressions

ko0run na ovaj misleshe?


"Windows 7 може да биде најдобриот оперативен систем на Microsoft
досега." Еве како еден новинар на веб сајтот Cnet вчера се изјасни по
прес конференцијата на Microsoft, на CES 2009.


Како што повеќе присутни на конференцијата се изјаснија, Windows 7 Beta
верзијата, ги поседува сите позитивни страни на Vista, a многу од
"дупките" и "баговите" се решени.


Бета верзијата, вклучува многу безболна и лесна инсталација, која трае
помалку од 30 минути со вклучени две брзи рестартирања. Со користење на
најосновните десктоп опции изгледа силно и многу побрзо од Vista.
Секако, Windows 7 не покажа никакви потешкотии ни во инсталирањето,
пуштањето на разни апликации, превземање фајлови и сурфање на интернет.
Сето ова е тестирано на скромна конфигурација (2.8GHz Pentium 4, 80GB
IDE HDD и 512MB RAM).








Оваа
верзија на Windows, уште при првото конектирање на интернет Ви
препорачува да симнете друг (third-party) антивирус кој би Ви нудел
поголема заштита (ги препорачува Kaspersky и AVG). Како и да е,
неговиот antispyware пакет, доаѓа со самата инсталација на оперативниот
систем.

Дизајнот, иконите, навигацијата и перформансите во секој случај
го прават Windows 7 подобар од Vista. Самиот факт, дека со екстремно
скромна конфигурација, овој оперативен систем извади одлични резултати
го прави попривлечен. Освен тоа, остануваат уште многу работи кои
Microsoft ќе треба да ги проработи (како тоа што ништо не слушнавме за
неговите touch-screen функции). Како и да е, од оваа бета верзија убаво
се гледа дека Microsoft го ставиле нивниот нов оперативен систем прв во
нивната листа на приоритети за 2009 година.